කොන්දේසිවලට එකඟ නම් මම සහය දෙනවා.


0

තමිල් තේසීය මක්කල් කුට්ටනි පක්ශයේ නායක, පාර්ලිමේන්තු මන්ත්‍රි සී.වී. විග්නේශ්වරන් මහතා තම කොන්දේසිවලට එකඟ වන්නේ නම් නව අගමැති රනිල් වික්‍රමසිංහ මහතා ප්‍රමුඛ ආණ්ඩුවට සහය ලබා දීමට සූදානම් බව නිවේදනයක් නිකුත් කර තිබෙනවා.

ඔහුගේ එම ඉල්ලීම් වශයෙන් ,
දෙමළ දේශපාලන සිරකරුවන් නිදහස් කිරීම.
උතුරේ රඳවා සිටින හමුදා නිලධාරීන්ගෙන් අඩක් ඉවත් කිරීම සහ උතුරු හා නැගෙනහිර පළාත්වල ක්‍රියාත්මක පුරාවිද්‍යා කොමිසම අහෝසි කිරීම යන කරුණු ඇතුලත් වනවා.

එම මූලික කොන්දේසි වලට අමතරව මෙරට ජීවත් වන දෙමළ ජනතාවගේ ගැටලු විසඳීම සම්බන්ධයෙන් රනිල් වික්‍රමසිංහ මහතාගේ මූලිකත්වයෙන් ස්ථාපිත ආණ්ඩුවක් කටයුතු කරන්නේ නම් එම ආණ්ඩුවේ ඇමැති ධුර දැරීම පිළිබඳව වුවද සලකා බැලිය හැකි බව ද ඒ මහතා කීය.

ශ්‍රී ලංකාව මේ වන විට ඉතා දරුණු ආර්ථික අර්බුදයකට මුහුණදී තිබෙන අතර වැඩි කාලයක් වැය නොකර ඉතා කඩිනමින් විසඳා ගත යුතු ගැටලුවක් බව විග්නේශ්වරන් මහතා කියා සිටී.

එම ගැටලු කෙසේ වුවත් තමන් ඇතුළු දෙමළ දේශපාලන නියෝජිතයන් නව අගමැති ප්‍රමුඛ ආණ්ඩුවකට සහයෝගය ලබා දෙන්නේ නම් එය කොන්දේසි සහිත වනු ඇති බව හෙතෙම සඳහන් කර සිටියේය.

විග්නේෂ්වරන් මෙහිදී විශේෂයෙන් සඳහන් කර සිටියේ සිර දඬුවම් නියම වී ඇති දෙමළ දේශපාලන සිරකරුවන් ජනාධිපති පොදු සමාවක් යටතේ නිදහස් කිරීමටත් සහා මේ වන විටත් නඩු ගොනු කර ඇති දෙමළ දේශපාලන සිරකරුවන්ගේ එම නඩු සියල්ල ඉල්ලා අස්කරගෙන ඔවුන් නිදහස් කිරීමත් කළ යුතු බවයි.

යුද්ධය අවසන්ව වසර 13ක කාලයක් ගත වුවත් තවම ත් උතුරේ ලක්ෂයකට අධික හමුදා සෙබළුන් පිරිසක් රඳවා සිටින බව සහ ඔවුන් අඩක් පමණ එම ප්‍රදේශවලින් ඉවත් කළ යුතු බවද විග්නේෂ්වරන් පෙන්වා දෙනවා.

විග්නේෂ්වරන් කියා සිටින්නේ ඔහුගේ මෙම කොන්දේසිවලට එකඟ වන්නේ නම් අගමැති රනිල් වික්‍රමසිංහ ප්‍රමුඛ ආණ්ඩුවට සහයෝගය ලබා දීමට තමන් සූදානම් බවයි.


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win
Editor 3

0 Comments

Your email address will not be published.